22.05.2020 | Sprache/Literatur Aktuelles

Lesetipp aus unserer Niederdeutsch-Abteilung

Mit "Baasdörper Krönk" dieses Mal ein Klassiker der niederdeutschen Romanliteratur.

Na Johann Hinrich Fehrs sien „Maren“ hebbt wi hier den eersten Roman, de vun dat Leven in en Dörp in Holsteen vertellt. De Leser föhlt sik as rindükert in de Tiet üm 1900. Dor röög sik wat in dat lütte Dörp, de niege Technik keem, de Wannerarbeiders kemen in’t Land un bröchen ehr Spaghetti mit – de Bahn worr buut. Veel Opregen bi de Lüüd, un allens vertellt in en wunnerbor lebennig Platt. „Dat lett meist so, as wenn all Lüüd vun wiet un siet afsluuts na Baasdörp trecken wullen.“ So de eerste Satz in düt Book – un glieks müch man wiederlesen.

De Schrieversmann Friedrich Ernst Peters harr en Oog för de Welt üm sik – liekers tro he sik nich, düt Book to Leevtieden ünner de Lüüd to bringen. He wull de Minschen ut sien Dörp nich op de Fööt pedden. Sien Dörp weer Blickstedt bi Sleswig, man he nööm dat fiktiv „Baasdörp“. Wolfgang Lindow un Paul Selk hebbt dat na sienen Dood rutgeven. Bet vundaag hen hebbt wi nich veel plattdüütsche Romanliteratur. Düssen Klassiker schull jedereen leest hebben.

Peters, Friedrich Ernst "Baasdörper Krönk" (Husum Druck 1986, 2. Aufl. 320 S. 19,95 €)

Noch erhältlich bei plattschapp.de oder antiquarisch