Nate, Richard
Do weer de Welt so grot
Norddeutsche Erzählliteratur des frühen 20. Jahrhunderts. Sechs Fallstudien.
„As up en Striepe van en Film dat Leven sük uns lebennig gifft un is doch dot, so tröstet un so narrt uns dat Erinnern.“
Düt Zitat vun de oostfreessche Dichtersfru Wilhelmine Siefkes hett Richard Nate sien Texten vöranstellt. En süüddüütschen Minschen mit Wuddeln in’n Noorden schrifft över söss Autoren, de op Platt un Hooch schreven hebbt. Meist vergeten sünd Philipp Kniest un Otto Altmann, bi Wilhelm Lobsien fallt uns noch de „Halligpastor“ in, Ludwig Jürgens verbinnt de Plattdüütschen mit Hamborg, Wilhelmine Siefkes un Alam Rogge höört to de wichtigen Fruenslüüd in de plattdüütsche Literatur vun’n 20. Johrhunnert.
Heel intressant is dat Kapittel över „Heimatliteratur und niederdeutsche Bewegung“, dor leest wi wat över de Kinaus un över Hermann Claudius – un an’t Enn steiht en Utkiek na 1945 bet hen na Vundaag, wo wi denn wat finnt över dat een oder anner Book in düsse Rubrik.
An düsse Steed hebbt wi nu ok mal wat över Literatur, dat köönt wi goot lesen un verstahn – un denn is dat mitünner en beten wat lichter, en Weg hen na de olen Autoren to finnen.
Würzburg: Königshausen & Neumann 2020.