Scheller, Gesche (Hrsg.)
Steerns an’n Heven. Wiehnachten in uns Tiet
Bald is Wiehnachten – Tiet för Geschichten un Gedichten rundum dat schönste Fest vun’t Johr.
Dor passt düsse Anthologie mit plattdüütsche Texten över dat Freuen un dat Backen, över Beleevnissen un dat ganz annere Fiern allerbest.
Vele bekannte Plattdüütsch-Schriverslüüd finnt wi in düt smucke Book – jedereen mit egen Toon un egen Humor.
„Wi hebbt ümmer sungen. Wiehnachten fung ümmer mit Musik an …. Un: wat is slimmer as een Blockfleut? Twee ….“ So räsoneert Annie Heger ut Oostfreesland över ehr Kinner-Wiehnachten. Un Jan Graf meent: „Sövenuntwintigste Dezember harr veel beter passt!“ Detlef Wutschik maakt sik Gedanken, woans en Krippenspeel vundaag utsehn kunn – un Helge Albrechts Familie mutt sik mit en Plastik-Dannenboom afmarachen.
Wiehnachten kann kamen – in uns Tiet löppt dat meist anners as in de olen Geschichten, un dat is goot so.
Hamburg: Quickborn 2016. 111 S. 12,80 €