Hartmann, Jörg
Husum op Plattdüütsch
In 34 enkelte Kapittels mit Landkoorten un smucke Fotos kriegt wi en Barg över de Stadt to weten – en Leesbook op Platt mit veel Infos över de Storm-Stadt, de nich ümmer gries is.
Jörg Hartmann is boren in Friestadt, opwussen in Fresendelf bi Swabstedt un weer 40 Johr lang Schoolmeister, dorbi denn ok in de Lehrerutbillen togang. Nu is he in Husum Stadtföhrer un ok Museumsföhrer för all de Museen in Husum: Theodor-Storm-Huus, Nissenhuus, Slott vör Husum un Oostenfeller Buernhuus. In de VHS gifft he Plattdüütsch-Kursen.
Al ümmer hett he sik mit de Historie befaat un ok al en Reeg Böker schreven. Nu gifft dat en Saken- un Geschichtenbook över de Stadt Husum, de Kreisstadt vun Noordfreesland.
Husum: Husum Druck 2020. 144 S. 14,95 €