Hansen, Konrad
Twüschen Himmel un Ee
Konrad Hansen (1933-2012) weer vele Johren lang Programmbaas bi de Heimatafdelen vun Radio Bremen, denn Intendant vun’t Ohnsorg-Theater in Hamborg, opletzt harr he dat Leit vun de Nedderdüütsche Bühn Flensborg.
Bekannt worrn is he besünners dörch siene hoochdüütschen Romans „Die Männer vom Meer“ un „Simons Bericht“. Man ok en ganze Reeg plattdüütsche Theaterstücken hett he schreven. Nich toletzt dörch den „Konrad-Hansen-Pries“ för niege plattdüütsche Theaterstücken warrt he nich vergeten.
Dat sünd teihn Geschichten, de Konrad Hansen in düt Book tosamenstellt hett. Een markt foorts, dat he vun’t Theater kümmt, so lebennig sünd de Dialogszenen. Humor un Ironie knütt he mit fienen Sinn tohoop. Stau in „Kassel-Süd“ – wat för en Geschicht! Wunnerbor ok de Verwesselgeschicht „Ich tanze mit dir in den Himmel“ – de Lesers warrt allerbest ünnerholen, man kriegt liekers wat to’n Denken an de Hand.
Hamburg: Quickborn 1998. 120 S. 9,80 €