Kahl, Heinrich
Grootvadder sien Huus
„Grootvadder sien Huus“ wiest uns Biller ut de 20er, 30er un 40er Johren vun’t verleden Johrhunnert.
Heinrich Kahl (1921-2010) hett sik grote Verdeensten um de plattdüütsche Spraak maakt. As Hamborger Lehrer un Schoolleider weer em de Spraak al heel wichtig. Vun 1984-1995 weer he Vörsitter vun de Fehrs-Gill. Tosamen mit Heinrich Thies bröch he dat Wöörbook „Der neue SASS“ rut, wat bet vundaag hen mit sien Rechtschrievregeln anerkennt is. Man ok as Schrieversmann is Heinrich Kahl bekannt.
In 28 Texten vertellt Kahl vun Familie, Huus un Goorn, he beschrifft den Alldag vun’t Füer anböten bet Kortüffeln planten, vun’t Kleder neihen bet Inmaken. He wiest so en lebennig Bild vun ole Tieden – ahn Schöönsnacken un Harmonieseren. Hunnert Johr is dat ole Huus un sitt vull vun Geschicht un Geschichten, de ok vundaag dat Lesen noch lohnt.
Neumünster: Wachholtz 2009. 144 S. 12,00 €