Freitag, 25. April 2025 | Aktuelles

Truer üm Karl-Heinz Groth

De Schoolmester un plattdüütsche Schrieversmann Karl-Heinz Groth is an den 11. April dood bleven

Vele Johren hett Karl-Heinz Groth sik för de plattdüütsche Spraak in Sleswig-Holsteen insett. He hett vele Böker in‘t Plattdüütsche överdragen un sülvst schreven.

Bi den Heimatbund weer he vele Johren Liddmaat in den Utschuss för Nedderdüütsch un Freesch un weer vun 2006 bet 2010 bi den Plattdüütschen Raat.

För sien Engagement is he mit de Sleswig-Holsteen-Medaille uttekent worrn, mit dat Bunnsverdeenstkrüz un mit de höögste Utteken bi den Heimatbund, de Lornsenkeed. He is 85 Johr olt worrn.