Windland
Dieter Staacken (geb. 1935 in Oldenswort) is nich blots en plattdüütschen Schrieversmann, he hett sik ok en Naam maakt as Maler un Grafiker.
Un so is denn ok in jeedeen vun sien Böker nich blots en Text, sünnern ok Biller, Streken, en Kunstwark. So ok dat „Windland“, en Book över Eiderstedt, sien Halfinsel, över de Minschen un ehr Leven. De Texten sünd lyrisch, riemelt sik veelmals – und sünd licht as en Fedder, mag ween en Aantenfedder. Un se sünd op Platt, mitünner sünd ok hoochdüütschen dor mang.
Dat Land an de Westküst mit Wind un Wind gegenan is Inspiratschoon för em – un so hett he düsse Wunnertüüt, as he mit en Ogenplink seggt, as Text-Bild-Collaag torechtmaakt.
Staacken, Dieter: Windland. Dat Reit dat steiht.
Hamburg: Quickborn 2022. 16,80 €